کلوے پہ ھماوان کہ منی حالا زانگءِ لوٹوک بیتگ أنت- شهید مهرنهاد

لھتے روچ بیتگ کہ داکٹرانءِ دستا بیتگان۔ منی نادراھیءَ منی جسمانی واک تا ھدّے نزور کتگ۔ ھوریا ھنوگان منی لھتے سیادان پیش آتکگین أکسیڈنٹےءِ سببا کموکا منی روحی حالت ھم چہ جاھا ٹگلگی بوت۔ ألبت ملکے کہ ما زند گوازینگائین، إے ڈولین جیڑوان باید قبول بہ کنین و گون سرجمین نگیگی و مشکلان دیما روان بہ کنین۔

ما گون دگرانءِ دردانءِ یاد کنگا و آوانءِ نیمگا دلگوش کنگا وتی دردان درمان کنگ ھیئل کتگ۔ پرچا کہ ما زانین مئے مشکل، نادراھی، درد، رنج و مصیبت ھمنچو باز بہ بنت، أنگت ھنچین مردم ھست أنت کہ آ چہ ما هم سکترین دردانءِ آماچ أنت۔

ألبت أکسیڈنٹءِ سببا مارا درسے کہ رست ھمش إنت کہ تان آ وھدی کہ خدا مہ لوٹیت ھجّ نہ بیت و إیشیءِ سببا مئے إیمان مُھر تر و گام تچکتر بوت أنت۔ و دیم په منزلا روان مئے سوبین بیگءِ أمید گيئشتر بوت أنت۔ پرچا کہ منی إیمان إنت کہ چہ یک مصیبتےءَ وتی بندوان رکـّینگءِ سبب إیش إنت کہ خدا آوان گيئشتر کار بندگ لؤٹیت۔ بزان آوانءِ سرا وتی بندوان خدمت کنگءِ ذمواری دات۔۔۔

من ھما دوستانءِ منّت واران کہ منی حال إش جُست کتگ و قول دیان کہ إے جیڑہ أنجمنءِ کاران دیما برگءِ راھا ھچ ڈولین شنکے نہ بیت۔ پیسری ڈولا أنجمن وتی کاران دیما بران کنت۔۔۔
شنبه 23 دی 1385 ھمدپ گون 13 جنوری 2007 صحبءِ کلاک 10:29

Rights reserved by www.balochinews.com