کنڈائی فلم ساز 'ٹی سی لوھان' پٹان راجی لیڈر و گون گاندی ھور پہ ھندوستانءِ آزادیءَ جھد کنوکین عبدالغفار خان پدنام پاچا خانءِ زندءِ سرا فلمے أڈ کت۔ إے فلمءِ نام 'سرحدی گاندی: پاچا خان، إے ٹارچ فار پیس' بزان 'أمنءِ مشعل' إنت۔ پہ إے فلمءِ راستین قصہءِ نبیسگ و أڈ کنگا 21 سال پٹاسکاری و جھد کنگ بیتگ۔بی بی سیءِ نبیستگین حالا داتگ کہ 'إے ٹارچ فار پیس' فلم گيئشتر مان أفغانستان، ھندوستان و پاکستانءِ صوبہ پختونخواہ پُر کنگ بیتگ۔ و إیشیءِ قصّوا پاچا خانءِ خدائی خدمتگار تحریک یک إیمنین راجی زرمبشے پیئش دارگ بیتگ۔
چہ ھندوستانءِ آزادیءَ رند وھدے پختونخواہ گون پاکستانءَ ھور کنگ بوت، گڈا خان عبدالغفار خان پاکستانءِ خلافا و پہ پٹانانءِ آزادیءَ وتی جھد گون إیمنی دیما بران کت۔ عبدالغفار خان أنگت زندگ أت کہ آئی بچ ولی خان سیاستا دؤر کت و وتی پتءِ فکرئی دیمترا بُرت۔ مروچی آئیءِ نماسگ و ولی خانءِ بچ إسفندیار ولی خان ھما کِشکا دیما روگا إنت۔
سئین راھدربرانءِ جھدءِ برکت إنت کہ أبید چہ ترمپے خونءِ ریچائینگا پاکستانءِ توکا مروچی پٹانان چہ آوانءِ نصیبا نبیستگین بھرا أنگت گيئشتر رسگا إنت۔ داتگین عکسا پاچا خان و گاندی هؤر گندگ بیگا أنت.
Rights reserved by www.balochinews.com
0 comments:
ارسال يک نظر
وتی کلہ و لیکواں چیرا نبشتہ کن ات۔ منتوار