میان استمانی جان سلامتیءِ انجمنءِ داتگین گاڑیءَ آوارجنگءِ رندگیری

شھید مھر نھاد نبیست:

ھنّوگان میان استمانی جان سلامتیءِ انمجنءَ گاڑییے نصرآبادءِ جان سلامتی بنجاھا دیگءِ جار جت کہ انگت چہ شھرستانءِ نیمگا راہ دیگ نہ بیتگ۔ ذموارین واکانءِ گشتگین حبرانءِ ردا یے گاڑیءَ نصرت آباد‏ءِ بدلا زاھدانءِ جان سلامتی بنجاہءِ دستا دیگءِ چن لانچ بیگا اِنت۔
ھمے ردا مروچی صحبا انجمن جوانان صداءِ عدالتءَ بلوچستانءِ مئڈیل کالجءِ سرپرستءِ سرا کاگدے راہ دات۔ یے کاگدا نبیسگ بیتگ:
نصرآباد دمگءِ کلّگ چہ یکا دگر سک دیر اَنت و وسیلوے نہ بیگءِ سببا پہ مردمان آسراتی رسینگا ضروری اِنت کہ ھمنچو زیت تر بیت کنت، گاڑی آوان دیگ بہ بیت۔ شمارا سھیگ کنگ ضروری اِنت کہ واکداران بھانہ آرتگ کہ اَمنی مشکلانءِ سببا یے گاڑیءَ نصرآبادیان نہ ديگا اَنت۔ تورین بلّی گوستگین بڈّے سالان یے دمگا ابید چہ ھنچونایین جیڑوان، ناامنیءِ ھچ مشکلے نہ بیتگ۔ نصرت آباد ھما دمگ اِنت کہ واکدارانءِ پرواہ نہ دارگ و نادلگؤشیانءِ سببا چیزے سال پیئسر پولیس بنجاھے اڈ کنگءِ وھدا سوچگي تیلءِ یک ٹانکرے بن گپت اَت و دھان کس کشگ و یا ٹپّيگ بیتگ تنت۔
شنبه 27 خرداد 1385 همرد گون 16 جون 2006