پہ دشمنان راستی تھل و راستگش' دِیـھ' انت

لھتے حبر ھستنت کہ دشمنانء دلان چہ تیرءَ گندہ تر سونبت۔ اے ڈولین حق حبر زؤراکین سرکاری واکدارینء دیما چؤکہ دِیـہءَ بنت و پہ اشانء گارکنگا اے واکدار چک پد نہ بنت۔

بلوچستانء ھندان داشتگین ایرانی سرکارء کارمند راستے اسلامی انت و گندگا چہ شاہ و آئی پدان بدش کیئت بلے نہ تا آ حدّ کہ یک بلوچے چؤکہ واجہ مھرنھاد بہ گشیت ' زمانی ایرانء سرا ھامے شاہ بیتگ، ما بلوچانء گورا ظھورشاہ ھاشمیء ڈولین شھزانت بیگنت'۔

اے ڈولین حقین بلے پہ دشمنءَ جورین حبر ھردچارین -تورین بلی مذھبی- فارساں چونکا ھضم بنت۔ کجا آ اوپار کت کننت کہ (آھانء خیالا) یک بے سواد و دھاتی بلوچے چست بہ بیت و شاھنشاہ آریامھرءَ چہ ظھورشاہ ھاشمی جھلتر بہ جنت؟۔

مھرنھادء نبیستگین حبرانء فارسی بزانت؛
زی من یک غیر بلوچ و درامدین مردمے اشکت کہ گشگا ات؛ ھر پیم بہ بیت، بلوچان دگہ قومانء ضرورتنت؛ چیا کہ اشانء گؤرا سوھندہ و شھزانتین مردم سک کم بیتگ و ھستنت۔ و ایران یک متمدنین ملکے انت، ھام (بیسواد) و بے ھنریں مردم ادا سرکارء بھرے بیگء اجازت دیگ بیت نہ کننت۔

من گشت: ھما وھدی کہ ھمے تمدنء بنجاھین ملکء تھا یک رضا شاہ نامین ھامے واکدار بیتگ، ما ھزارانء حسابا وانندہ و شھزانتانء واھند بیتگین۔ اشان چہ یکے ظھورشاہ ھاشمی بیتگ کہ و تی کؤھن و سیرین فرھنگء سرا شؤھازکاریئی کتگ۔ ۔ ۔ ۔

سرجمین فارسی گپ ادا وانگ بیت کننت؛ http://mehrnehad.blogfa.com/post-34.aspx