جمھوری وطن پارٹیء باسک واجھ جمیل بگٹی گشتگ؛ اگر مشرفء سرکشـّيا پاکستانء تھا گچینکاری ببنت آھانء پارٹی بھر نھ زیریت۔جمعھء روچا گؤں حالکاراں وتی ترانء تھا آئی خیال ظاھر کتگ کھ فوجء سرکشـّيا بیتگیں گچینکاری ھچبر الکاپ بیت نھ کننت۔
آئی دیمترا گشتگ؛ جمھوری وطن پارٹی گؤں اے-آر-ڈی یا اے-پی-ڈی-ام ھؤر نھ انت۔ گؤں کلــّيں پارٹیانء جمھوری حرکت (اے پی ڈی ام) ھؤر نھ بیگ سوب اشنت کھ اے حرکتا متحدہ مجلس عمل ھؤرنت۔ آئی ڈوبھ جتگ کھ مجلس عمل بلوچستانء سرا فوجکشیء پلھ مرزی کتگ و نواب بگٹیء شھید کنگا ھؤر بیتگ۔
آئی گیش کتگ کھ شھید اعظم نواب شھباز اکبر بگٹی بلوچ راج ء حقانء سودا نھ جت چمشکا آ شھید کنگ بیت۔ آئیء شھادتء سالروچا جمھوری وطن پارٹی سیاھیں روچ داریتـنت۔
واجھ جمیلء گشگء پدا ھچ زؤر بلوچ سیاسی جنبشا پروشت دات نھ کنت۔ نـَیکھ فوجء اروش بگٹی ٹکـّا پرؤشت کنت۔ جمھوری وطن پارٹی بلوچ حقانء پانکجنؤکیں پھکیں بلوچدوستیں ٹؤلی وسرکارء خلافا گامگیج زیرؤکیں جمھوری واکاں گؤں ھؤر کاری کنت۔
لندنء تؤکا برجم داشتگیں پاکستانء پارٹیانء ھؤریں دیوانا بھرزیرگا آئی نشنل پارٹی میاریگ کتگ و دو پٹان گلانء ھؤر بیگ آئی ساڑاھتگ۔
اے دیوانا جمھوری وطن پارٹیء دگھ جھدکار واجھ ھمایون مری، شمیم آفریدی، سھیل راجپوت، ملک خدابخش لانگو و دگھ نندؤک بیتگنت۔
ڈان 4 اگست 07
0 comments:
ارسال يک نظر
وتی کلہ و لیکواں چیرا نبشتہ کن ات۔ منتوار