چھ زاھدان حال رستگ کھ اودا 200 نؤکیں مولویاں پاگ بندگ بیتگ۔ و اے بلوچستانء مسیتاں از لحاظ مولوی خود کفیل کنت۔ چدا رند تولید بیتگیں مولوی اضافی بنت و آ پھ ٹروریزم دریں ملکاں ایکسپورٹ کنگ بنت تا اے پڑا بلوچ و بلوچستانء نام روشن کنگ ببیتنت، البت اگر آھاں آئی اس آئی ویزا گپت دات نھ کت گڑا ملکء تھا بلوچ نشنلسٹ بازنت کھ چھ راھا دیر کنگ ببنت۔اے دیوان کھ ختمء بخاری ( اے بخاری پاپ نھ انت، کتابے انت؛ اشیء وانگا چھ رند مردم پــــــــــــــــورھین؛ بزاں سرجمیں مولوی بیت انت) نام دیگ بیتگ گؤستگیں پنچشنبھ 9 اگست 07 مولانا عبدالحمیدء سرکـشـّيا سرجم بیتگ و چھ شال بگر تا سعودی بازیں ملاھاں بھر زرتگ۔ خاص نام گرگ ببنت کھ پاكستان، افغانستان، تاجيكستان، سوريه، عربستان سعودي و عراقء تجربھ کارین سنی مولویاں وتی موٹ ماں اے دیوانا پیش داشتگنت۔
چھ گچینی ملاھان یکے رؤچنشتی بلوچستانء بلوچانء قاتل مولانا شررودی بیتگ۔ ھو! ھما شررودی کھ حسین احمدا گؤں پر لچتگ و شھید اعظم نواب شھباز اکبر بگٹیء شھادتا ماں بلوچستان اسمبلی لانا سھبتی گپتگت۔ اشکنگا شررودیء استاد فضل الرحمان ھم اؤدا گؤں بیتگ۔
ایرانء دستء چیرء بلوچستانء مختلفیں ھلک و شھراں بازیں مدرسھ گؤستگیں 20 سالاں اسامھ بن لادنء سنگتاں جؤڑ کتگنت۔ بلے چدا پیسر بلوچ مھلوکء چھ دینا دیریء سوبا بلوچستانا الحمداللھ مولوی قحط بیتگ۔ چمشکا بازیں پاکستانء چاریگ یا آئی اس آئی ایجنٹ مولویء ناما ماں اے مدرسھاں وانینگء کار دیگ بیتگنت۔
جی ھو؛ پیسری رکارڈ چارگ نھ بیتگنت کھ باریں اشاں دگھ مدرسھیا چائلـــڈ ملسٹگ کتگ یا نھ۔ نے اے زانگ بیت کنت باریں ادا (دور ساعت) دیمے سیاہ کنگ بیتگ یا نھ۔ چیاکھ چشیں رواج اؤدا نیستنت۔
و آخر داوانا اللحمداللھ رب العالمین
دلگؤش: اے حال نبیسگا مذھبء احترامء خاطر لھتے گال بلوچیا ٹگلینگ نھ بیتگنت۔
0 comments:
ارسال يک نظر
وتی کلہ و لیکواں چیرا نبشتہ کن ات۔ منتوار